iPhone 8 Plus Review

iPhone 8 Plus ရဲ့ ကျောဘက်မှာ မှန်အသုံးပြုထားပြီး တည်ဆောက်ထားမှုကြောင့် ကြီးမားတဲ့အကျိုးကျေးဇူး တစ်ခု ရှိလာပါတယ်။ ကြိုးမဲ့အားသွင်းနိုင်လာတာ ဖြစ်ပါတယ်။

စိတ်ပျက်ရတာက Apple ဟာ ကြိုးမဲ့အားသွင်းခုံကို Box အတွင်းမှာ တစ်ပါတည်း မထည့်သွင်းထားမှု ဖြစ်ပါတယ်။ ဒါကြောင့် သင့်အနေနဲ့ ကြိုးမဲ့အားသွင်းချင်တယ်ဆိုရင်တော့ ကြိုးမဲ့အားသွင်းခုံဝယ်ယူရပါမယ်။

Apple ဟာလည်း ကိုယ်ပိုင် ကြိုးမဲ့အားသွင်းခုံထုတ်လုပ်ဖို့ ကြိုးစားနေပြီး AirPower လို့ အမည်ပေးထားပါတယ်။ ၂၀၁၈ ခုနှစ်မှာ ရောင်းချပါမယ်။  ပစ္စည်းသုံးမျိုးကို တစ်ပြိုင်နက်တည်း ကြိုးမဲ့အားသွင်းနိုင်ပါမယ်။

လက်ရှိအချိန်မှာ အခြား တတိယကုမ္ပဏီထုတ် ကြိုးမဲ့အားသွင်းခုံကို ၀ယ်ယူပြီး အသုံးပြုနိုင်ပါတယ်။ ဒါပေမယ့် တစ်ခုရှိကာ ကြိုးမဲ့အားသွင်းစနစ်ကို အသုံးပြုပြီး အားသွင်းရင်လည်း သင့်အနေနဲ့ အချိန်ချွေတာနိုင်မှာ မဟုတ်ဘူးလို့ ထင်ပါတယ်။ Apple ဟာ လာမယ့် iOS update သစ်မှာ ကြိုးမဲ့အားသွင်းရာမှာ ပိုပြီး လျှင်မြန်လာ အောင် လုပ်ဆောင်ပေးသွားမယ်လို့ ယုံကြည်ရပါတယ်။

ဘာပဲဖြစ်ဖြစ် တစ်ချို့ဆိုင်တွေ၊ ကော်ဖီဆိုင်တွေမှာ ကြိုးမဲ့အားသွင်းစနစ်တွေ တပ်ဆင်ပေးနေပြီဖြစ်တာကြောင့် ကြိုးမဲ့အားသွင်းစနစ် အသုံးဝင်တဲ့အချက်တစ်ခုလို့ ပြောမယ်ဆို ပြောလို့ရပါတယ်။

iPhone 8 Plus က iPhone 7 Plus လိုပဲ မျက်နှာပြင် ၅.၅ လက်မဖြစ်ပါတယ်။ ဒါပေမယ့် ရုပ်ထွက်ပိုင်းမှာ များစွာကွာခြားသွားပါတယ်။

iPhone 8 Plus မှာ Retina HD ရုပ်ထွက် အသုံးပြုထားပါတယ်။ 1920×1080 p (သို့မဟုတ်) 401 pixels per inch Resolution သုံးထားပါတယ်။ အရောင်ပေးနိုင်မှု အလွန်ကောင်းမွန်တဲ့ စိတ်လှုပ်ရှားဖို့ ကောင်းလောက် အောင် တိကျပါတယ်။

ပိုပြီးတော့ စိတ်လှုပ်ရှားဖို့ကောင်းတဲ့နည်းပညာတစ်ခုလည်း ထည့်သွင်းထားပါသေးတယ်။ True Tone Technology ရုပ်ထွက်သုံးထားပါတယ်။ သင့်ပတ်ဝန်းကျင်အလင်းအပေါ်မူတည်ပြီး ဆင်ဆာက အလိုအလျှောက် သင့်တော်တဲ့အရောင်တွေ ထုတ်လွှင့်ပေးမယ့် နည်းပညာ ဖြစ်ပါတယ်။

ဒါပေမယ့် ဆင်ဆာက ဖုန်းရုပ်ထွက်ကို အပြောင်းအလဲတွေ လုပ်ပေးသွားတာကို သင် သတိတောင် ထားမိမှာ မဟုတ်ပါဘူး။ ဘာပဲဖြစ်ဖြစ် သင့် ဖုန်းအသုံးပြုနေချိန်မှာ ကောင်းမွန်ပြီး သက်တောင့်ရှိစေမှာတော့ သေချာနေပါလိမ့်မယ်။

iPhone 7 Plus လိုပဲ iPhone 8 Plus မှာလည်း ကျောဘက်ကင်မရာနှစ်ခု ပါဝင်ပါတယ်။ 12MP+12MP ဖြစ်ပါတယ်။ တစ်ခုက Telephoto ဖြစ်ပြီး နောက်တစ်ခုက မြင်ကွင်းကျယ် ရိုက်ကူးဖို့ ဖြစ်ပါတယ်။ မြင်ကွင်းကျယ် ကင်မရာမှာ Optical Image Stabilisation ပါဝင်ပြီး ကျန်တစ်ခုမှာ Optical Zoom ပါဝင်ပါတယ်။  

iPhone 7 Plus နှင့် iPhone 8 Plus တို့ရဲ့ ကင်မရာအကြားမှာ ကြီးမားတဲ့ ကွာခြားချက် မရှိပါဘူး။ Apple ဟာ iPhone 8 Plus ကင်မရာကို ပိုကောင်းအောင် လုပ်ဆောင်ထားတာတော့ အမှန်ပါပဲ။ အထူးသဖြင့် အလင်းရောင် အားနည်းချိန်မှာ ဓာတ်ပုံကောင်းတွေ ရရှိအောင် လုပ်ဆောင်ပေးထားပါတယ်။ ဆင်ဆာကလည်း အလွန်လျှင်မြန်ပြီး ကြီးမားတာကြောင့် ဗီဒီယိုနှင့် ဓာတ်ပုံကောင်းတွေ ရိုက်ကူးနိုင်ပါမယ်။

အားလုံးလည်း သိထားပြီးဖြစ်တဲ့အတိုင်း iPhone 8 Plus ကင်မရာမှာ Portrait Lighting စနစ်ပါဝင်ပါတယ်။ Studio Light ၊ Contour Light ၊ Stage Light စသဖြင့် လှပတဲ့အလင်းရောင်တွေ ထည့်သွင်းနိုင်တာကြောင့် သင် ရိုက်ကူးတဲ့ လူပုံဓာတ်ပုံတွေက အရမ်းကို လှပပြီး ဆွဲဆောင်မှု အပြည့်ရှိနေပါမယ်။

iPhone 8 Plus ရဲ့ Portrait Mode ကင်မရာက iPhone 7 Plus ရဲ့ စနစ်ထက် ပိုမိုအသေးစိတ်နိုင်ပြီး နောက်ခံ ၀ါးနေမှုကလည်း ပိုပြီးတော့ သဘာဝကျလာတယ်လို့ ကျွမ်းကျင်သူတွေက ချီးကျူးနေကြပါတယ်။

ရှေ့ကင်မရာက 7MP ဖြစ်ပါတယ်။ Selfie ချစ်သူများအတွက် ကျေနပ်မှုအပြည့်ရရှိစေမယ့် ကင်မရာဖြစ်ပါတယ်။

iPhone 8 Plus မှာ iOS 11 တစ်ပါတည်း ထည့်သွင်းထားပြီး ဖြစ်ပါတယ်။ iOS 11 မှာ စနစ်သစ်တွေ အမြောက်အမြားပါဝင်လာပါတယ်။ ရှော့ပင်းစင်တာ၊ လေဆိပ်များရဲ့ အတွင်းပိုင်း မြေပုံ၊ Live Photo စနစ်နှင့် Do Not Disturb While Driving စနစ်တို့ ပါဝင်ပါတယ်။

iOS 11 က iPhone ဟောင်းတွေမှာ အနည်းငယ်လေးသလို ခံစားရပေမယ့် iPhone 8 Plus မှာတော့ တော်တော်လေးညက်ညောပြီး မြန်ဆန်တာ တွေ့ရပါတယ်။ ဒါကလည်း ဒီဖုန်းမှာ အသုံးပြုထားတဲ့ A11 Bionic Chipset သစ်ကြောင့်ဆိုရင်လည်း မမှားပါဘူး။

ဒါ့အပြင် iCloud Drive နှင့် Google Drive တို့မှာ ဖိုင်များကို စီမံခန့်ခွဲမှုပြုလုပ်နိုင်မယ့် Files App သစ်လည်း ပါဝင်ပါသေးတယ်။ One-Handed Mode လည်း ပါဝင်သေးတယ်။ ဒီစနစ်က ဘတ်စ်ကားပေါ်သို့ ရောက်နေချိန်မှာ အင်မတန်အသုံးတည့်မယ့် စနစ်တစ်ခု ဖြစ်ပါတယ်။

iPhone 8 ၊ iPhone 8 Plus နှင့် iPhone X သုံးမျိုးလုံးကို A11 Bionic နှင့် ပါဝါထောက်ပံ့ထားပါတယ်။ A11 Bionic က ဖုန်းရဲ့အတွင်းပိုင်းတစ်ခုကို ထိန်းချုပ်လုပ်ဆောင်ပေးနိုင်ပြီး Qualcomm Snapdragon 835 ထက် များစွာ သာလွန်ပါတယ်။ RAM3GB ပါဝင်ပြီး ROM64GB နှင့် 256GB တို့ကို ရွေးချယ်နိုင်ပါတယ်။ AR ဂိမ်းများ ကစားနိုင်အောင် ထောက်ပံ့ပေးနိုင်ပါတယ်။

Apple ဟာ iPhone 8 Plus မှာ စပီကာများကိုလည်း ပိုကောင်းအောင် လုပ်ဆောင်လာတာ တွေ့ရပါတယ်။ iPhone 8 Plus က လက်ရှိဈေးကွက်အတွင်းမှာရှိတဲ့ စမတ်ဖုန်းတွေထဲမှာ အကောင်းဆုံးစပီကာပါ ဖုန်းစာရင်း ၀င်တစ်ခု ဖြစ်ပါတယ်။ အသံက ကျယ်လောင်ပြီး ရှင်းလင်းပြတ်သားတဲ့အပြင် Bass ပေးနိုင်စွမ်း မြင့်မားပါတယ်။ သင့်အနေနဲ့ Bluetooth စပီကာမသုံးဘဲ ဖွင့်မယ်ဆိုရင်တောင် ကောင်းမွန်တဲ့ ဂီတကို ခံစားနားဆင်နိုင်ပါမယ်။

Apple ဟာ ဘက်ထရီနှင့်ပတ်သက်ပြီး Apple အသုံးပြုသူများကို ယခုတိုင် ကျေနပ်အောင် မလုပ်ဆောင်ပေးနိုင်သေးပါဘူး။ iPhone 8 Plus မှာ ဘက်ထရီ 2691 mAh ပါဝင်ပါတယ်။  ပြီးခဲ့တဲ့နှစ် iPhone 7 Plus ထက် ဘက်ထရီပမာဏ ပိုနည်းလာပါတယ်။ ဒါပေမယ့် Apple က A11 Bionic ကြောင့် ဘက်ထရီ သုံးစွဲမှု အလွန်နည်းပါးလာမယ်လို့ ဆိုထားပါတယ်။ ဘာပဲဖြစ်ဖြစ် သင့်အနေနဲ့ ပုံမှန်အသုံးပြုမယ်ဆိုရင်တောင် ဒီပမာဏက တစ်နေ့တာကို ကျော်ဖြတ်ဖို့ လုံလောက်တဲ့ ပမာဏမဟုတ်တာ သေချာပါတယ်။ iPhone 8 Plus မှာ ကြိုးမဲ့အားသွင်းနိုင်လာတာကတော့ ကျေနပ်စရာအချက်တစ်ခု ဖြစ်ပါတယ်။ iPhone 8 Plus ကို အားအပြည့်သွင်းဖို့အတွက် အချိန် ၂ နာရီကျော်ယူရပါတယ်။